Instant Paalkova | Srivilliputtur Special | இன்ஸ்டன்ட் பால்கோவா (ஸ்ரீவில்லிபுத்தூர் ஸ்பெஷல்)

VICKEY'S RECIPES :)

நான் பால்கோவா பாத்தாலே Motu Patlu கார்ட்டூன் ல எப்படி அவன் சமோசாஆ னு பறந்து போவானோ அதே மாதிரி நானும் போயிடுவேன் . அதுவும் பால்கோவாக்கு பேரு போன ஊர்ல பொறந்துட்டு பால்கோவா பிடிக்காம போகுமா சொல்லுங்க .எங்க அப்பா சண்டே அன்னைக்கு கடைல இருந்து சீக்கிரம் வீட்டுக்கு வந்துடுவாங்க . அவர் வீட்டுக்குள்ள வர்றதுக்கு முன்னாடி பால்கோவா என் கைக்கு வந்துடும் (எங்க அம்மா Gate தொறக்க போகும்போது First பால்கோவா எடுத்துட்டு வந்து என்கிட்ட குடுத்துடுவாங்க ). எப்போவும் எனக்கு சண்டே டின்னர் 250gm பால்கோவா தான் :) :) . சீக்கிரமே வாங்கிட்டு வரதுனால பால்கோவா மிதமான சூட்டோட இருக்கும் . அப்டியே சாப்ட்ருவேன் . என் கதையை பார்த்தாச்சு இப்போ ஆண்டாள் கதை பாப்போம். மார்கழி மாசம் வேற!

ஆண்டாள் கல்யாணம் அப்போ, பெரியாழ்வார் பால்கோவா, அப்புறம் சில தானிய வகைகள் எல்லாம் "பிறந்த வீட்டு சீர்" ஆக அனுப்பி வச்சாரு. இத இப்போவும் நெறய பேர் நடைமுறைல பண்ணிட்டு  இருக்காங்க . ஆண்டாள் கோவில்ல விஷ்ணு கடவுளுக்கு பால்கோவா பிரசாதமா படைப்பாங்க. 

 சிநேகிதி புக்ல சமையல் டிப்ஸ் பக்கத்துல இந்த ரெசிபி போட்ருந்தாங்க . அப்போலாம் நான் நினைச்ச உடனே அப்பாவ கடைல இருந்து வாங்கிட்டு வர சொல்லி சாப்ட்ருவேன். இப்போ கல்யாணத்துக்கு அப்புறம் US வந்துட்டதால பால்கோவா சாப்பிட முடியாம போச்சு. அப்போ தான் ஒரு நாள் சிநேகிதி புக்ல படிச்சது ஞாபகம் வந்துச்சு. உடனே இந்த இன்ஸ்டன்ட் ரெசிபி ட்ரை பண்ணேன். ப்ப்ப்ப்பா!!!!! அப்டியே ஊர் டேஸ்ட். சுடச்சுட கொஞ்சம் குழைவா, செமயா இருந்துச்சு. அதனால அதே ரெசிபியை இங்க உங்ககிட்ட பகிர்ந்துக்கிறேன். ரெசிபி கீழ இருக்கு. படிச்சு பாருங்க.  பால்கோவாவ செஞ்சும் பாருங்க. உங்க கமெண்டுக்காக ஐ யாம் வெயிட்டிங்..!!!

தேவையான பொருட்கள்

Milk Powder - 1 கப்

Sugar - 1 / 2 கப்

தண்ணீர் தேவையான அளவு 

செய்முறை 

• ஒரு மிக்ஸிங் பௌலில் மில்க் பவுடர், சுகர், தண்ணீர் சேர்த்து தோசை மாவு பதத்திற்கு கரைத்து கொள்ளுங்கள். 

• Microwave Oven இல் இந்த பௌல் வைத்து ஒரு நிமிடம் time செட் செய்யவும். ( என்னோடது 1200 W power oven ).
• அந்த கரைசல் கொஞ்ச நேரத்துல பொங்கி வரும் . அப்டி வரும் பொது உடனே ஸ்டாப் பண்ணிடுங்க இல்லேன்னா பொங்கி வழிஞ்சுடும் . ஒரு வேளை 1 நிமிஷத்துல பொங்கி வரலேன்னா மறுபடியும் ஒரு 30 செகண்ட் வையுங்க. அது அடுத்தும் பொங்கி வரும் .
• இதே மாதிரி 30 செகண்ட் ஒவ்வொரு தடவையும் வச்சு, பொங்கி வரும்போது ஸ்டாப் செஞ்சு கிளறி விட்டுட்டு இருங்க. ஒரு 2 முதல் 5 நிமிஷத்துல கொஞ்சம் குழைவா வந்துடும். இப்ப சுவையான, அருமையான, ஸ்ரீவில்லிபுத்தூர் பால்கோவா ரெடி.

- Vicky