உளுந்தங்களி | Urad dal kali (Easy way)

VICKEY RECIPES :)

களி உடம்புக்கு ரொம்பவே ஆரோக்கியமானது. குறிப்பாக பெண் குழந்தைகள் வயதுக்கு வந்த பின் எலும்பு வலு  பெற குடுப்பாங்க. குழந்தைகளுக்கு மட்டும் இல்லை வயதான பின் பெண்களுக்கு வரும் முதுகு வலிக்கும், இதை சாப்பிட்டால் மிகவும் நல்லது. இதுல நிறைய சத்துக்கள் இருக்கு மற்றும் உடம்பை குளிர்ச்சியாய் வச்சுருக்க உதவும்.

களி எனக்கு மிகவும் பிடித்தமான ஒரு உணவு . சின்ன வயசுல என் பாட்டி, அப்புறம் எங்க பக்கத்து வீட்ல இருக்குற பாட்டி அடிக்கடி கிண்டி குடுப்பாங்க. என் அத்தை ( அப்பாவின் தங்கை ) அவங்களும் அப்போப்போ வெந்தய களி செஞ்சு எடுத்துட்டு வருவாங்க . ரொம்பவே சூப்பரா இருக்கும் . வீட்ல என் அம்மா, நானும் பெருசா களி செஞ்சது இல்லை. ஏன்னா அதை செய்ய ரொம்ப கஷ்டமா இருக்கும்னு நினைச்சுட்டு நாங்க பண்ணது இல்லை. கல்யாணத்துக்கு அப்புறம் எனக்கு இந்த ரெசிபி கிடைச்சது. ரொம்பவே சுலபமா செய்ய கூடியதா இருந்துச்சு. அதுக்கு அப்புறம் நானே வாரம் ஒரு முறை அல்லது மாசத்துக்கு ரெண்டு முறையாவது இதை செய்வேன்.

கட்டாயம் மாசத்துக்கு ஒரு முறையாவது நீங்களும், உங்க பெண் குழந்தைகளும் களி செஞ்சு சாப்பிடுங்க. இடுப்பு எலும்புக்கும் ரொம்பவே நல்லது. 

என் கிட்ட கருப்பட்டி இல்லை, அதுனால வெல்லம் போட்டு செஞ்சுருக்கேன். உங்க கிட்ட கருப்பட்டி இருந்த நீங்க அதையே போடலாம்.

களி செஞ்சு பார்த்துட்டு, இல்லை வேற ஏதும் சந்தேகம் இருந்தாலும் கீழே கமெண்ட் ல பதிவிடுங்க. நன்றி!